प्रियंका बनिन् इन्टरनेटमा सबैभन्दा धेरै खोजिने अभिनेत्री
मंसिर ५ – बलिउडमा बिभिन्न कारणले चर्चामा आइरहने चर्चित नायिका हुन् प्रियंका चोपडा । धेरैजसो आफ्नो नयाँ फिल्म र फेटोसुटका कारण चर्चामा आइरहने प्रियंका पछिल्लो समय एक फरक कारणले चर्चामा आएकी छिन् । उनी इन्टरनेटमा सबैभन्दा धेरै खोजिने अभिनेत्रीमा परेकी छिन् ।
हालै एक सर्वेक्षणअनुसार विश्वव्यापी रुपमा उनी सबैभन्दा धेरै खोजीनेमा परेकी हुन् । अक्टोबर २०१८ देखि अक्टोबर २०१९ सम्म गरिएको उक्त सर्वेक्षणमा उनी धेरै खोजीने अभिनेत्रीमा परेकी हुन् । सन् २०१९ मा प्रियंका चोपडालाई २।७४ मिलियन पटक खोजी गरिएको छ । खोजी गरिनेमा दोस्रोमा दीपिका पादुकोण र तेस्रो नम्बरमा सनी लियोनी छन् ।
त्यस्तै बढी खोजीने अभिनेतामा सलमान खान छन् । अमेरीकी गायक निक जोनससँग बिबाह बन्धनमा बाधिँएपछी फिल्ममा नदेखिएकी प्रियंका केहि समय अघि फिल्म ‘द स्काइ इज पिंक’ बाट बलिउड फर्किएकी छिन् । यस फिल्मलाई दर्शकले खासै मन नपराएपनि उनी सबैभन्दा धेरै खोजी गरिने अभिनेत्रीमा परेकी छिन् ।
