मनहरी अध्यक्ष कप फुटबल प्रतियोगिताको उपाधीका लागि ३ र ७ नंबर वडा भिड्दै
हेटौंडा । मकवानपुरको मनहरी गाउँपालिकामा जारी तेस्रो मनहरी अध्यक्ष कप फुटबल प्रतियोगिताको फाईनल खेल आज हुने भएको छ ।
आज उपाधीको लागि वडा नंबर ३ र ७ भिड्ने छन् । प्रतियोगिताको फाईनल खेल आज ९शनिबार० २ बजे हुने मनहरी गाउँपालिकाको खेलकुद विकास समितिका अध्यक्ष नविन सुवेदीले जनाकारी दिए । उनका अनुसार प्रतियोगिताको उपाधी हात पार्ने विजेता वडाले एक लाख र उपविजेता टिमले ५० हजार नगद सहित ट्रफी र प्रमाणपत्र प्राप्त गर्नेछन् । यसअघि भएको पहिलो र दोस्रो मनहरी अध्यक्ष कप फुटबल प्रतियोगिताको उपाधी वडा नंबर ७ ले हात पारेको थियो ।
बिहिबार भएको दोस्रो सेमिफाईनल खेलमा वडा नंबर ४ लाई २(० गोल अन्तरले हराउँदै वडा नंबर ७ फाईनलमा पुगेको थियो । त्यसैगरि बुधबार भएको पहिलो सेमिफाईनल खेलमा वडा नंबर २ लाई ३(० गोल अन्तरले हराउँदै वडा नंबर ३ फाईनलमा प्रवेश गरेको थियो ।
