माघ ६ गतेदेखि वडा नम्बर ९ मा फुटबल प्रतियोगिता हुने
माघ ४,हेटौंडा- हेटौंडा उपमहानगरपालिका वडा नम्बर ९ र मकवानपुर बेरोजगार युवा संगठनको आर्थिक सहयोगमा तेश्रो टोल विकास संस्थास्तरीय फुटबल प्रतियोगिता हुने भएको छ ।
प्रतियोगिता नक आउटका आधारमा खेलाइने र उक्त खेल यहि माघ ६ गतेदेखि १४ गतेसम्म सञ्चालन हुने आयोजकले बताउनु भयो ।माघ ६ गते पहिलो खेल प्रगति टोल विकास संस्था र कुस्माण्ड टोल विकास संस्थाको उद्घाटनमा हुने पनि आयोजकले जना्एका छ ।
यस खेलमा वडा भित्रका १७ वटा टोल बिकास संस्थाका १८ वटा टिमको सहभागिता रहने र प्रतियोगिता हेटौंडा औद्योगिक क्षेत्रको खेल मैदानमा हुनेछ । विजेतालाई नगद तीस हजार सहित मेडल, सिल्डर प्रमाणपत्र र दोस्रो हुने टिमलाई नगद १५ हजार, सिल्ड, मेडल तथा प्रमाणपत्रको व्यवस्था रहेको छ ।
बिधागत रुपमा उत्कृष्ट हुने खेलाडीलाई पुरस्कृत गरिने व्यवस्था रहेको र माघ १४ गते फाइनल खेल रहेको समेत आयोजकले जानकारी दिनुभयो ।
