प्रधानमन्त्री कपमा लुम्बिनीविरुद्ध ब्याटिङ गर्दै वाग्मती

माघ ११, काठमाडौं । प्रधानमन्त्री कप एकदिवसीय राष्ट्रिय क्रिकेट प्रतियोगितामा अहिले लुम्बिनी प्रदेश र वाग्मती प्रदेशले प्रतिस्पर्धा गर्दै छन् ।

काठमाडौंको मूलपानी क्रिकेट मैदानमा वाग्मतीले टस जितेको छ र पहिले ब्याटिङ गर्दै छ ।आजको खेलमा जित निकाल्दै वाग्मती सेमिफाइनलमा स्थान बनाउने योजनामा रहेको छ । समूह ‘बी’मा रहेको वाग्मतीले तीन खेलबाट ६ अंक जोडेको छ । आजको खेलमा जित निकाल्न सकेमा वाग्मती प्रतियोगिताको सेमिफाइनलमा प्रवेश गर्नेछ ।

लुम्बिनीलाई भने सेमिफाइनलमा स्थान बनाउन वाग्मतीविरुद्ध ठूलो अन्तरको जित आवश्यक छ । लिगमा तीन खेल खेलेको लुम्बिनी ४ अंकसहित तालिकाको दोस्रो स्थानमा रहेको छ ।

यसमा तपाइको मत

Your email address will not be published. Required fields are marked *


*