दोश्रो राष्ट्रपति रनिंगशिल्ड भलिबल प्रतियोगिता सम्पन्न
फागुन ९, मकवानपुर – भीमफेदीमा आयोजित राष्ट्रपति रनिंगशिल्ड भलिबल हिजो सम्पन्न भएको छ ।
प्रतियोगिता छनौट खेल अन्तर्गत भीमफेदी गाउँपालिकाले आयोजना गरेको भलिबल प्रतियोगिताको सेमिफाइनलमा महिलामा श्री कृष्ण माध्यमिक विद्यालय र लेकाली बसिफांट माध्यमिक विद्यालय २६ र २४ र २५ र २३ मा लेकाली बसिफांट माध्यमिक विद्यालय बाहिरिएको हो। यस्तै छात्र तर्फ सेमिफाइनलमा श्री कृष्ण माध्यमिक विद्यालय र लेकाली बसिफांट माध्यमिक विद्यालय बिच १६ र २५ र २० र २५सोझो सेट बाट श्री कृष्ण माध्यमिक विद्यालय बाहिरिएको हो।
श्री महेन्द्र माध्यमिक विद्यालय र बाराही माध्यमिक विद्यालय बिच खेलमा १५ र २५,२५ र २२ र ८ र १५ मा महेन्द्र माध्यमिक विद्यालय बाहिरिएको हो। यसैगरी छात्रा तर्फ फाइनलमा श्री कृष्ण माध्यमिक विद्यालय र श्री महेन्द्र माध्यमिक विद्यालय बिच भएको फाइनलमा २५ र १०,२५ र २१,२३ र २५ र २५ र २३ मा श्री कृष्ण माध्यमिक विद्यालय प्रथम स्थानमा बिजयी भएको छ। छात्र तर्फ फाइनलमा लेकाली बसिफांट माध्यमिक विद्यालय र बाराही माध्यमिक विद्यालय बिच प्रतिस्पर्धा मा २५ र १३,२५ र१५ र २५ र१८ सोझो सेटमा लेकाली बसिफांट माध्यमिक विद्यालय प्रथम स्थानमा बिजयि भएको छ।
विभिन्न बिधामा बिजयी खेलाडी बिधार्थी र सहभागी विद्यालयलाई खेल संयोजक तथा गाउँपालिकाको अध्यक्ष हिदम लामाले शिल्डमेडल प्रमाणपत्र प्रदान गर्नु भएको थियो। समापन तथा पुरस्कार वितरण कार्यक्रममा गाउँपालिकाको कार्यकारी प्रमुख जिबन कुवंर,विद्यालय श्रोत व्यक्ति गोबिन्द चौलागाईं लगायतका उपस्थिति रहेको थियो ।
