यो हो ४ करोड रुपैयाँको संसारकै महँगो गाई
फागुन १०, हेटौडा –एउटा गाईको मूल्य कति होला र ? कुनै गाईलाई ४ करोड रुपैयाँ पर्छ भन्दा पत्याउन सक्नुहुन्छ रु बेलायतमा एउटा गाई ४ करोड रुपैयाँ भन्दा धेरै मूल्यमा बिक्री भएको छ । त्योसँगै यो गाईले संसारकै महँगो गाईको रुपमा कीर्तिमान राखेको छ ।
कार्लिस्लेमा भएको लिलामीका क्रममा उक्त गाई २ लाख ६२ हजार पाउण्डमा बिक्री भएको छ । बेलायतको शिफनल जन्मिएको पोश स्पाइस नश्लको उक्त गाई कीर्तिमानी मूल्यमा बिक्री भएसँगै गाईकी मालिक्नी क्रिस्टिन विलियम्स र उनका पति पिटर टिपेट्स निकै खुसी छन् ।
उनीहरुको पशु फार्ममा १ सय ३० गाई तथा एक हजार जति भेडा छन् । तीमध्ये केही नश्लहरु निकै बहुमूल्य तथा दुर्लभ नश्लसमेत रहेका छन् । स्मरण रहोस् यसअघि सन् २०१४ मा पोश स्पाइस नश्लकै एक बाच्छी १ लाख ३१ हजार २५० पाउण्डमा बिक्री भएको थियो ।
