चैत ६ देखि द भ्वाइस अफ नेपालको सिजन ३ सुरु
फागुन २०, काठमाडौं–फ्रेन्चाइज गायन रियालिटी सो द भ्वाइस अफ नेपालको तेस्रो संस्करण चैत ६ गतेदेखि प्रसारण हुने भएको छ।
हरेक पटक महिला कोच परिवर्तन भइरहने रियालिटी सोमा यो पटक पनि गायिका तृष्णा गुरुङको कोचिङ हेर्न पाइनेछ। हिमालयन टेलिभिजनबाट हरेक शुक्रबार र शनिवार राति ८ बजे कार्यक्रम हेर्न पाइनेछ।
कार्यक्रममा ४ जना कोच हुनेछन्। तृष्णाबाहेक अन्य कोच भने पुरानै रहेका छन् । जसमा गायक दीप श्रेष्ठ, प्रमोद खरेल र राजु लामा छन्।रियालिटी सोको निर्देशन लक्ष्मण पौडेलले गर्दैछन्। यस पटकको सिजनमा पनि नेपाली बाहेकका अन्य भाषीले पनि सहभागिता जनाउन सक्नेछन्।
