प्रकाश सुवेदी चयन भए मदन भण्डारी स्पोर्ट्स एकेडेमी मकवानपुरको अध्यक्ष
फागुन २३, हेटौंडा । मदन भण्डारी स्पोर्ट्स एकेडेमी मकवानपुरको अध्यक्षमा प्रकाश सुवेदी चयन भएका छन् । शनिबार भएको तेस्रो भेलाले सुवेदीको नेतृत्वमा ७५ सदस्यीय कमिटि घोषणा गरेको छ । यसैगरि कमिटिको उपाध्यक्षमा विक्रम लामिछाने, सचिवमा सुरेस बेरोजगार, सहसचिव अनिल अधिकारी, कोषाध्यक्षमा मनोज चौलागाई चयन भएका छन् । भेलाले २९ सदस्यीय सचिवालय कमिटि समेत निमार्ण गरेको छ ।
मदन भण्डारी स्पोर्ट्स एकेडेमीका केन्द्रीय अध्यक्ष विनोद श्रेष्ठलेको प्रमुख आतिथ्यतामा भएको भेलामा एकेडमीका केन्द्रीय सदस्य तथा हेटौंडा–४ का वडा अध्यक्ष नविन सिक्देल, नेपाल कम्युनिष्ट पार्टी (नेकपा) का केन्द्रीय सदस्य जुनेली श्रेष्ठ,रामेश्वर राना, भिमफेदी गाउँपालिका अध्यक्ष हिदम लामा, जिल्ला खेलकुद विकास समितिका अध्यक्ष सानु लामा, नेकपा जिल्ला कमिटि सदस्य सुनिल मोक्तान, धर्म लामा, रमिला सापकोटा लगायत मदन भण्डारी स्पोर्ट्स एकेडेमी मकवानपुरको गाउँ तथा नगर कमिटिका पदाधिकारीको उपस्थिति रहेको थियो ।
