हेटौंडा मेयर कपको फाईनलमा वडा नंबर १० र १८ भिड्दै
फागुन २४,हेटौंडा । हेटौंडाको हुप्रचौरमा जारी हेटौंडा मेयर कप फुटबल प्रतियोगिताको फाईनल खेल आज हुँदै छ ।
उपाधीको लागि वडा नंबर १० र १८ भिड्दै छन् । फाईनल खेल आज दिउँसो १ बज हुने आयोजक नगर खेलकुद विकास समिति हेटौंडा उपमहानगरपालिकाले जनाएको छ ।
शनिबार भएको सेमिफाईनल खेलमा दुबै टोली ट्राइब्रेकरमा जित निकाल्दै फाइनलमा प्रवेश गरेका थिए । शनिबार भएको पहिलो खेलमा वडा नंबर १० ले वडा नंबर १३ लाई ट्राइब्रेकरमा ४–१ गोल अन्तर पराजित गर्दै फाइनलमा स्थान बनाएको थियो ।
त्यस्तै दोस्रो सेमिफाइनल खेलमा वडा नंबर १८ ले वडा नंबर ५ लाई ट्राइब्रेकरमा ५–४ गोल अन्तरले पराजित गर्दै फाइनल प्रवेश गरेको थियो। प्रतियोगिताको विजेताले नगद दुई लाख रुपैयाँ, उपविजेताले नगद एक लाख ५० हजार रुपैयाँसहित शिल्ड, मेडल र प्रमाणापत्र प्राप्त गर्ने छन् ।
प्रतियोगिताका सर्वोत्कृष्ट खेलाडीलाई नगद दशहजार रुपैयाँ, उत्कृष्ट डिफेन्डर, मिडफिल्डर, गोलरक्षक, प्रशिक्षक तथा सर्वाधिक गोलकर्तालाई जनही पाँचरपाँच हजार रुपैयाँ प्राप्त गर्ने छन् ।
