हेटौंडामा जारी शहीद स्मृति गोल्डकपान आज आर्मी र काठमाण्डौ भिड्दै
फाल्गुन २८ ,हेटौंडा । हेटौंडाको वनविज्ञान अध्ययन संस्थानको खेलमैदानमा जारी स्थानीय तह शहीद स्मृति गोल्डकप प्रतियोगितामा आज नेपाल आर्मी क्लब र जावालाखेल युथ क्लब,काठमाण्डौ खेल्ने भएका छन् । खेल दुई बजेबाट सुरु हुने आयोजक जिल्ला फुटबल संघ मकवानपुरले जनाएको छ ।
बिहिबारबाट सुरु भएको उद्घाटन खेलमा आयोजक टोली मकवानपुर-११ ले विजयी सुरुवात गरेको छ । उद्घाटन खेलमा मकवानपुर-११ ले नवजनजागृती युवा क्लब सिमरालाई ४-१ गोल अन्तरले हराउँदै विजयी सुरुवात गरेको हो ।
नकआउटका आधारमा हुने प्रतियोगिता चैत ७ गते सम्म चल्नेछ भने प्रतियोगितामा १० टोलिको सहभागिता रहेको छ ।
प्रतियोगिताको विजेता टोलीले ट्रफिसहित नगद १० लाख प्राप्त गर्नेछ भने उपविजेता हुने टोलीले ट्रफिसहित नगद ५ लाख प्राप्त गर्ने आयोजकले जनाएका छ ।
त्यस्तै विधागत उत्कृट हुने खेलाडी ट्रफिसहित नगद २५–२५ हजार प्राप्त गर्नेछन् । प्रतियोगिताका सर्वोउत्कृष्ट हुने खेलाडीले बुलेट बाईक,नगद ट्रफिसहित नगद ५० हजार प्राप्त गर्नेछन् ।
