प्रियंकाका पति लडेर घाइते,शरीरमा गम्भीर चोट
जेठ ३, न्यूयोर्क– बलिउड अभिनेत्री प्रियंका चोपडाका पति निक जोनास एक शोको सुटिङमा लडेर घाइते भएका छन् । उनको शरीरमा गम्भीर चोट लागेको छ ।
बलिउड लाइफका अनुसार घाइते भएपछि उनलाई निर्माताहरुले तुरुन्तै अस्पताल भर्ना गरेका थिए । हिँडेर अस्पताल जान सक्ने अवस्था नभएपछि उनलाई एम्बुलेन्समा लगिएको थियो । उपचारपछि उनी डिस्चार्ज भइसकेका छन् ।
उनको चोट कहाँ र कसरी लाग्यो भन्ने कुुराको केही जानकारी दिइएको छैन । उनको पूर्ण स्वास्थ्य परीक्षण पछि चिकित्सकले डिस्चार्ज दिएका हुन् ।
उनी सोमबारबाट गायन रियालिटी शो ‘द भ्वाइस’को सुटिङ सुरु गर्दैछन् । प्रियंका र निक अहिले सँगै छैनन् । प्रियंका लण्डनमा आफ्नो प्रोजेक्टमा व्यस्त छिन् ।
