नेपालमा अमेरिकाबाट स्वास्थ्य सामग्री आउँदै
काठमाडौं, ६ जेठ । कोभिड संक्रमणको उत्कर्षमा पुगेको नेपाललाई अमेरिकाले केही स्वास्थ्य सामग्री सघाउने भएको छ । अमेरिकाले नेपाललाई छिट्टै विभिन्न स्वास्थ्य सामग्रीहरु उपलब्ध गराउने भएको हो ।
काठमाडौंस्थित अमेरिकी दूतावासले विहीबार एक ट्वीट गर्दै अमेरिकाले नेपाल लगायत दक्षिण एसियाली मुलुकलाई स्वास्थ्य सामग्रीहरु उपलब्ध गराउने जानकारी गराएको हो ।
‘युएसएआइडीले नेपाल लगायत दक्षिण एसियामा बढेको कोभिड(१९ को संक्रमणसँग लड्न विभिन्न अत्यावश्यक चिकित्सा सामाग्रीहरु निकट भविश्यमा नै उपलब्ध गराउँदैछ,’ अमेरिकी दूतावासले आफ्नो ट्वीटमा भनेको छ ।
