सुनको मूल्य बढ्यो, तोलामा कति ?
हेटौंडा,जेठ ९- साताको पहिलो कारोबार दिन आइतवार सुनको मूल्य उकालो लागेको छ । स्थानीय बजारमा आइतवार सुनको मूल्य अघिल्लो कारोबार दिन अर्थात् शुक्रवारको तुलनामा रू ३०० ले बढेको हो ।
नेपाल सुनचाँदी व्यवसायी महासंघका अनुसार आइतवार छापावाला सुन प्रतितोला रू ९३ हजार ६०० मा कारोबार भएको छ । शुक्रवार छापावाला सुनको मूल्य प्रतितोला रू ९३ हजार ३०० मा कारोबार भएको थियो । शुक्रवारको तुलनामा आइतवार छापावाला सुन प्रतितोला रू ३०० ले बढेको हो ।
त्यसैगरी, तेजाबी सुन प्रतितोला रू ९३ हजार १०० मा कारोबार भएको छ । शुक्रवार तेजाबी सुन प्रतितोला रू ९२ हजार ८०० मा कारोबार भएको थियो ।
यस्तै, आइतवार चाँदीको मूल्य भने घटेको छ । शुक्रवार प्रतितोला रू १ हजार ३५० मा कारोबार भएको चाँदी आइतवार रू १ हजार ३४५ खरीदविक्री भइरहेको छ । शुक्रवारको तुलनामा आइतवार चाँदी रू ५ ले घटेको हो ।
