भारतीय सेनाध्यक्ष सवार हेलिकप्टर तमिलनाडुमा दुर्घटनाग्रस्त
नयाँ दिल्ली – भारतीय सेनाध्यक्ष विपीन रावत र उनकी पत्नीसहित १४ जना सेनाका अधिकारी चढेको हेलिकप्टर एमआई-१७ बी ५ तमिलनाडुको कुन्नुरमा दुर्घटनामा परेको छ। दुर्घटनामा भएको मानवीय क्षतिबारे कुनै जानकारी आइसकेको छैन।
भारतीय सञ्चार माध्यमका अनुसार दुर्घटनामा परेकामध्ये तीन जनालाई नजिकैको अस्पतालमा लगिएको छ। तर, उनीहरुको पहिचान खुलाइएको छैन।
भारतीय वायु सेनाका अनुसार दुर्घटनाको अनुसन्धानको आदेश दिइएको छ।
रावत भारतको पहिलो चिफ अफ डिफेन्स स्टाफ-सीडिएस हुन्। स्थल, जल र बायु सेनालाई संयुक्त नेतृत्व गर्ने गरि भारतले सीडिएसको अवधारणा अगाडि सारेको थियो। सिडिएस हुनुअघि उनी तीन वर्ष भारतको स्थल सेनाध्यक्ष रहेका थिए। रावत सन् २०२० को जनवरी १ तारिखदेखि सीडिएस रहेका छन्।
