मकवानपुरमा स्कुटर दुर्घटना हुँदा एक जनाको मृत्यु
मकवानपुर । मकवानपुरको हेटौंडा उपमहानगरपालिका–१६ सिपाली चोकमा गएराती तीन जना चढेको स्कुटर दुर्घटना हुँदा एक जनाको मृत्यु भएको छ ।
हटियाबाट चौघडातर्फ जाँदै गरेको तीन जना चढेको अनटेष्ट लेखिएको स्कुटर गएराती १० बजे पल्टिँदा बीचमा रहेका स्थानीय २५ वर्षीय सुमन बयलकोटीको मृत्यु भएको हो ।
बयलकोटीको उपचारका क्रममा हेटौंडा अस्पतालमा गएरातीनै मृत्यु भएको हो ।
स्कुटर चालक र पछाडी चढेका एक जना गरी दुई जनालाई जिल्ला प्रहरी कार्यालय मकवानपुरले नियन्त्रणमा लिएको छ ।
