पीएम कप क्रिकेट – प्रदेश एकलाई १ सय २१ रनको लक्ष्य
काठमाडौं । पीएम कप राष्ट्रिय टी–ट्वान्टी क्रिकेट प्रतियोगिता अन्तर्गत कर्णाली प्रदेशले प्रदेश नं . १ लाई १ सय २१ रनको लक्ष्य दिएको छ ।
मुलपानी क्रिकेट मैदानमा टस हारेर पहिले ब्याटिङ गरेको कर्णालीले निर्धारित २० ओभरमा ७ विकेट गुमाएर १ सय २० रन जोड्यो ।
कर्णालीका लागि कप्तान रविन्द्र शाहीले सर्वाधिक ३६ रन जोडे । प्रकाश जैसीले २५ रनको योगदान गरे ।
प्रदेश १ का लागि मुकुन्द यादवले सर्वाधिक ३ विकेट हात पारे ।
फिर्दोश अन्सारीले दुई विकेट लिदा कमल खत्री र सिद्धान्त लोहनीले एक–एक विकेट लिए ।
