एक हप्ताभित्र मकवानपुरका २३ स्वास्थ्यकर्मीलाई कोरोना संक्रमण
हेटौंडा । मकवानपुरमा पछिल्लो एक हप्ताभित्र २३ जना स्वास्थ्यकर्मीहरुलाई कोरोना भाइरस संक्रमण पुष्टि भएको छ ।
स्वास्थ्य कार्यलय मकवानपुर अनुसार जिल्ला भित्र हाल २३ जना स्वास्थ्यकर्मी सक्रिय संक्रमित रहेका छन् ।
कार्यलय अनुसार सबैभन्दा बढी मनहरी गाउँपालिका भित्रका १३ जना स्वास्थ्यकमी,हेटौंडा उपमहानगरपालिका भित्रका ८ जना र स्वास्थ्य कार्यलय मकवानपुरका २ जना गरी २३ जना जना रहेका छन् । उनिहरु हाल सबै आफ्नै घरमा उपचारत रहेका छन् ।
जिल्लामा आजको दिनमा ६ सय ५१ जना सक्रिय संक्रमित उपचाररत रहेका छन् । जिल्लामा कोरोना संक्रमणको कारण हालसम्म १ सय ७० जनाको मृत्यु भएको छ ।
