अवरुद्ध नारायणगढ – मुग्लिन सडक खुल्यो
चितवन । सुख्खा पहिरो खसेर सडक अवरुद्ध भएको नारायणगढ मुग्लिन सडक दुई तर्फी संचालनमा आएको छ ।
पहिरो पन्छाएपछि बिहान ११ बजेपछि सडक दुईतर्फी नै खुलेको जिल्ला ट्राफिक प्रहरी कार्यालय चितवनले जानकारी दिएको छ ।
जिल्लाको इच्छाकामना गाउँपालिका–६ कालिखोलामा सुख्खा पहिरो खसेर बिहान साढे २ बजेदेखि सडक अवरुद्ध भएको थियो ।
सडक अवरुद्ध हुँदा धेरै सवारी साधन जाममा परेका थिए, ती अहिले गन्तव्यतर्फ गएका छन् ।
मुग्लिन–नारायणगढ सडक पार गर्ने एक मात्रै सडक भएकाले वैकल्पिक मार्ग नहुँदा पटक पटक समस्या हुने गरेको छ ।
