हेटौंडामा पेट्रोलियम पदार्थको मूल्यवृद्धिको विरोधमा एक घण्टे चक्काजाम
हेटौंडा । पेट्रोलियम पदार्थमा भएको मूल्यवृद्धिको विरोधमा हेटौंडामा एक घण्टे चक्काजाम गरिएको छ ।
नेत्रविक्रम चन्द (विप्लव) नेतृत्वको नेकपा निकट जनवर्गीय संगठनहरुले पेट्रोलियम पदार्थमा भएको मूल्यवृद्धिको विरोधमा एक घण्टे चक्काजाम गरेका हुन् ।
उनिहरुले पुर्व पश्चिम राजमार्ग अन्तर्गत हेटौंडाको बाइपासमा प्रदर्शन गर्दै चक्काजाम गरेका हुन् ।
नेपाल आयल निगमले पेट्रोलियम पदार्थमा प्रतिलिटर तीन रुपैयाँ मूल्य बढाएको छ । यो सँगै पेट्रोलको मूल्य प्रतिलिटर १४२ रुपैयाँ पुगेको छ भने डिजेल र मट्टितेल १२५ रुपैयाँ पुगेको छ ।
पछिल्लो पटक पेट्रोलियम पदार्थमा भएको मूल्यवृद्धिको विरोधमा देशभर विरोध प्रदर्शन भईरहेको छ ।
