२ क्विन्टल ६५ केजी गाँजा सहित मकवानपुरमा ५ जना पक्राउ
हेटौंडा । मकवानपुर प्रहरीले २ क्विन्टल ६५ केजी गाँजा सहित ५ जना पक्राउलाई पक्राउ गरेको छ ।
आईतबार विशेष सूचनाको आधारमा जिल्ला प्रहरी कार्यालय मकवानपुर र प्रहरी चौकी चौकीटोल मकवानपुरबाट खटिएको प्रहरी टोलीले प्रहरी चौकी चौकिटोलको कार्यालय अगाडी सवारी साधानहरु रोकी चेकजाँच गर्ने क्रममा भैसेबाट हेटौंडा तर्फ आउदै गरेको प्र ३-०१-०२३ च ५६४० नंंबरको पिकअप गाडिलाई रोकी चेक जाँच गर्ने क्रममा लुकाई छिपाई ल्याएको लागू औषध गाँजा १६५ किलो ८०० ग्राम सहित एक जना पक्राउ परेको प्रहरीले जनाएको छ ।
पक्राउ पर्नेमा मकवानपुर हेटौंडा १३ पदमपोखरी बस्ने २८ वर्षीय अरबिन्द नेपाली रहेको जिल्ला प्रहरी कार्यालय मकवानपुरले जनाएको छ ।
यसैगरि,सोमबार आज बिहान विशेष सूचनाको आधारमा ईलाका प्रहरी कार्यालय मनहरी मकवानपुरबाट खटिएको प्रहरी टोलीले गस्ती गर्दै जाने क्रममा जिल्ला मकवानपुर मनहरी ६ स्थित लोथर खोला हुदै खयरघारी तर्फ शंकास्पद रुपमा पिढ्युमा बोकेको बोराहरुमा अवस्थामा ४ जनालाई १०० किलो गाँजा सहित पक्राउ गरिएको प्रहरीले जनाएको छ ।
पक्राउ पर्नेहरुमा जिल्ला धादिङ रोराङ्ग गाउँपालिका वडा नंबर २ बस्ने ३० वर्षीय मान बहादुर चेपाङ्ग,सोहि ठाउँका ३९ वर्षीय सन्त बहादुर चेपाङ्ग,मकवानपुर मनहरी गाउँपालिका वडा नंबर ३ बस्ने ५३ वर्षीय बुद्धी बहादुर थिङ्ग र जिल्ला चितवन राप्ती नगरपालिका वडा नंबर ११ बस्ने वर्ष ५५ को सञ्च बहादुर थिङ्ग रहेका छन् ।
पक्राउ परेकाहरु माथि आवश्यक थप अनुसन्धान भईरहेको प्रहरीले जनाएको छ ।
