ट्याक्टरबाट खसेर हेटौंडामा एक जनाको मृत्यु
हेटौंडा । ट्याक्टरबाट खसेर मकवानपुरको हेटौंडामा एक जनाको मृत्यु भएको छ ।
हेटौंडा उपमहानगरपालिका-८ का २३ वर्षीय राजेश मोक्तानको हेटौंडा-६ पुतलीसडकमा गुडिरहेको ट्याक्टरबाट खसेर मृत्यु भएको हो ।
मोक्तान गएराती नागसोतीबाट कमानेतर्फ जाँदै गरेको ना ४ त ६९१० नम्बरको ट्रयाक्टरबाट खसेका थिए ।
ट्रयाक्टरबाट खस्दा उनी गम्भीर घाइते भएका थिए । उनको उपचारको क्रममा गएराति चितवनमा मृत्यु भएको प्रहरीले जनाएको छ ।
ट्याक्टर र चालक जिल्ला प्रहरी कार्यालय मकवानपुरको नियन्त्रणमा रहेका छन् ।
