अरिंगालको टोकाइबाट भीमफेदीमा एक जनाको ज्यान गयो
हेटौंडा । अरिंगालको टोकाइबाट मकवानपुरमा एक जनाको ज्यान गएको छ ।
अरिंगालको टोकाइबाट जिल्लाको भीमफेदी-६ पारिबजार बस्ने ६२ वर्षीय कृष्ण बहादुर स्याङतानको ज्यान गएको जिल्ला प्रहरी कार्यालय मकवानपुरका प्रहरी प्रवक्ता टेकबहादुर कार्कीले जानकारी दिए ।
बुधबार दिउँसो भीमफेदीको कापडाँडा स्थित जंगलमा गोरु चराउन जाँदा अचानक कालो अरिंगालको टोकाइबाट गम्भीर घाइते भएका स्याङतानको चितवनमा उपचारको क्रममा मृत्यु भएको प्रहरीले जनाएको छ ।
