प्रदेश-१ ले बागमतीलाई दियो ३०५ रनको लक्ष्य
काठमाडौं । पीएम कप एकदिवसीय पुरुष क्रिकेटमा प्रदेश-१ ले बागमती प्रदेशलाई जितका लागि ३ सय ५ रनको लक्ष्य दिएको छ ।
टियु क्रिकेट मैदानमा मंगलबार टस जितेर पहिले ब्याटिङ गरेको प्रदेश-१ ले ४९ ओभर ५ बलमा अलआउट हुँदै ३ सय ४ रन बनायो ।
प्रदेश-१ का लागि अंकित सुवेदीले १ सय १० रनको शतकीय इनिङ खेले । उनले १ सय ३४ बलमा १२ चौका र १ छक्का प्रहार गरे ।
अंकित जारी प्रतियोगितामा शतक बनाउने दोस्रो खेलाडी हुन् ।
कप्तान सिद्दान्त लोहनीले ७२ रनको अर्धशतकीय इनिङ खेले । विवेक आनन्द मेहेताले ३० रन जोड्दा सोनु अन्सारीले १९ रन बनाए । सर्वन यादवले ११ रन जोड्दा निरज मुखिया १० रन आउट भए ।
फिर्दोश अन्सारी १० रनमा अविजित रहे ।
बागमतीका रामनरेश गिरिले ५ विकेट लिए । नन्दन यादव, सुर्य तामाङ, प्रतिष जिसी र इशान पाण्डेले १/१ विकेट लिए।
