तातो तेल छ्याप्दा हेटौँडामा दुईजना घाईते , एक जना पक्राउ
हेटौँडा । सेल पकाईरहेको तातो तेल अनुहारमा प्रहार गर्दा हेटौँडामा दुईजना घाईते भएका छन् । हेटौडा उपमहानगरपालिका वडा नंबर १३ बनस्पति स्थित कालेश्वर मन्दिरमा परम्परागत मेलामा आगो तापिरहेको समयमा सेल पकाईरहेको तातो तेल अनुहारमा छ्याप्दा दुईजना स्थानीय घाईते भएका हुन । घाईते हुनेमा स्थानीय ३४ बर्षीय निर बहादुर भोलन र २७ बर्षीय सागर जिम्बा रहेका छन् ।
आगो तापेर बसिरहेको अवस्थामा हेटौँडा १९ बस्तिपुरका मोहन दोङले उनिहरुमाथि तातो तेल प्रहरा गरेका थिए । आँखा र अनुहारमा तातो तेल परेपछि घाईते भएका दुबैजनाको हेटौँडा अस्पतालमा उपचार भैरहेको जिल्ला प्रहरी कार्यालय मकवानपुरले जनाएको छ ।
उपचारको लागि हेटौडा अस्पताल ल्याइएको जनाइएको छ।तेल प्रहार गर्ने मोहन दोङ प्रहरीलाई नियन्त्रणमा लिएर जिप्रका मकवानपुरमा राखिएको छ।