१३८ रनले बिजयी भुटनदेवी मा.वि

हेटौंडा –  निरज श्रेष्ठको स्मृतिमा भइरहेको जिल्ला स्तरीय अन्तर विद्यालय क्रिकेट प्रतियोगितामा भुटनदेवी माध्यमिक विद्यालय १३८ रनले बिजयी भएको छ । आज बिहान भएको पहिलो खेलमा नवोदय शिशु सदन विरुद्ध भुटनदेवी माध्यमिक विद्यालयले १३८ रनले बिजयी हात पारेको हो ।

टस जितेर पहिलो फिल्डिङ नवोदय शिशु सदनले गरेको थियो । त्यस्तै ब्याटिङमा आएको भुटनदेवी माध्यमिक विद्यालयले २० ओभर खेल्दै ९ विकेट घुमाउँदै १६९ रन बनाएको थियो । जसका लागि रितिक यादवले ३९ रन, एम डि नासिमले २८ रन र हिमान्सु यादवले २४ रन बनाएको थियो । १७० लक्ष्य पछाउँदै गरेको नवोदय शिशु सदन ७ ओभरमा ३ बलमा ३१ रनमा अल आउट हुन पुग्यो ।

त्यस्तै अल आउटमा समेट्न भुट्नदेवीको बलर रामदयान यादवले ३ विकेट, एम डि नासिम र बिटु पलले समान २ विकेट लिएको हो । यस्तै खेलको म्यान अफ द म्याच उत्कृष्ट प्रदर्शन गरेको रामदयान यादव घोषित भएको हो ।