बागमती गोल्डकपमा आज मकवानपुर–११ र नेपाल पुलिस भिड्दै

हेटौंडाः पुर्वी मकवानपुरको बागमती गाउँपालिकामा जारी पाँचौं संस्करणको बागमती गोल्डकप फुटबल प्रतियोगितामा आज एक खेल हुँदैछ । बागमती–८, फापरबारीस्थित जनता माविको मैैदानमा हुने खेलमा मकवानपुर–११ र नेपाल पुलिस क्लबबिच प्रतिस्पर्धा हुँदैछ । खेल दिउँसो २ बजे हुने छ ।

यसअघि हिजो भएको उद्घाटन खेलमा जावलाखेल युथ क्लबले आयोजक बागमती गाउँपालिकाको टिमलाई ५–० गोलअन्तरले पराजित गरेको थियो । प्रतियोगिताको फाइनल खेल माघ ३ गते हुनेछ । प्रतियोगिताको विजेताले नगद ८ लाख रुपैयाँ र उपविजेता टिमले नगद ४ लाख रुपैयाँ प्राप्त गर्नेछ ।