टस हारेर फिल्डिङ गर्दै नेपाल
काठमाडौं । यूएईएमा जारी रहेको आईसीसी यू–१९ पुरुष विश्वकपको एसिया छनोट प्रतियोगिता अन्तर्गत नेपालले मलेसियासँग खेलिरहेको छ ।
दुबइको मलेक क्रिकेट ग्राउन्ड २ मा भईरहेको खेलमा नेपालले टस हारेर फिल्डिङ गरिरहेको छ ।
टस जितेको मलेसियाले पहिला ब्याटिङ रोजेपछि नेपालले फिल्डिङ गरेको हो ।
नेपाल लगातार चौथो जित निकाल्न चाहन्छ । पहिलो खेलमा सिंगापुरलाई, दोस्रो खेलमा कुवेतलाई र तेस्रो खेलमा हङकङलाई पराजित गरेको थियो ।
