केपी ओली कपको फाइनल आज
काठमाडौं । ‘केपी ओली कप राष्ट्रिय फुटबल च्याम्पियनसिप’ प्रतियोगिताको फाइनल खेल आज हुँदैछ ।
दिउँसो ३ बजेबाट दशरथ रंगशालामा हुने खेलमा उपाधिका लागि सातदोबाटो युथ क्लब र मछिन्द्र फुटबल क्लब खेल्ने छन् ।
नेकपा एमाले निकट राष्ट्रिय युवा संघ नेपालको आयोजनामा भएको प्रतियोगिताको विजेताले उपाधिसहित १० लाख नगद र उपविजेता टोलीले नगद ५ लाखसहित शिल्ड, मेडल र प्रमाणपत्र प्राप्त गर्ने छन् ।
