भीमफेदीको माण्डु हाईड्रोपावरमा किशोरीको शव फेला
हेटौंडा । मकवानपुरको माण्डु हाईड्रोपावरमा किशोरीको शव फेला परेको छ । भीमफेदी गाउँपालिका-८ माण्डु स्थित बागमती खोलामा माण्डु हाईड्रोपावरको पानी जम्मा गरी फोहोर छुट्ट्याउने स्थानमा एक किशोरीको शव फेला परेको छ ।
आज आइतबार बिहान नाम थर वतन नखुलेको मंगोलियन अनुहारकी अन्दाजी १७ वर्षीया किशोरीको शव फेला परेको जिल्ला प्रहरी कार्यालय मकवानपुरका प्रहरी प्रवक्ता टेकबहादुर कार्कीले जानकारी दिए ।
उनका अनुसार प्रहरी चौकी सिस्नेरीबाट खटेको प्रहरी टोलीले घटनास्थल सुरक्षित गरेको र मुचुल्का तथा थप अनुसन्धान कार्यको लागि ईलाका प्रहरी कार्यालय भीमफेदीबाट प्रहरी निरीक्षको कमाण्डमा प्रहरी टोली घटनास्थल तर्फ जाँदै गरेको छ ।
