हेटौँडामा एक युवकले आफ्नै गोप्य अंग काटेर अस्पताल पुगे !
मकवानपुर । हेटौँडामा एक युवक आफ्नै गोप्य अंग (लिङ्ग) काटेर घाइते भएका छन् । गएराति मकवानपुरको हेटौँडा उपमहानगरपालिका–१०, बसपार्कको होटलमा बसेका २२ बर्षिय एक युवकले आफ्नै लिङ्ग काटेर घाइते भएका हुन् ।
उनी रातिको करिब १२ बजेतिर घाइते अवस्थामा आफै हेटौँडा अस्पताल पुगेको चिकित्सकहरुले बताएका छन् ।
उनलाई राति नै चितवन रेफर गरिएको बताइएको छ । ती युवक मकवानपुरगढी गाउँपालिकाको भएको प्रहरीले जनाएको छ ।
प्रहरीका अनुसार उनले गएराति १० बजेतिर आँफै लिंग काटेका थिए । उनले प्रहरीसमक्ष आफ्नो लिंग आँफै काटेको वयान दिएकोसमेत बताइएको छ ।
