पाकिस्तानमा दर्जनौं चर्चहरुमा आगजनी र तोडफोड
काठमाडौं । पाकिस्तानमा दर्जनौं चर्चहरुमा आगजनी र तोडफोड भएको छ ।
अन्तर्राष्ट्रिय सञ्चार माध्यमका अनुसार पूर्वी पाकिस्तानको जरानवाला क्षेत्रमा रहेका चर्चहरुमा आगजनी गरिएको हो । उक्त स्थानमा कम्तिमा आधा दर्जन चर्चमा आगो लगाइएको र ईशाई धर्मावलम्बीहरु सम्वद्ध दर्जन बढी घरमा तोडफोड गरिएको त्यहाँको प्रहरीले जनाएको छ ।
मुश्लिम धर्म तथा कुराको निन्दा गरेको आरोपमा चर्चमा आक्रमण भएको हो । अन्धाधुन्द आक्रमणपछि ईशाइ धर्मावलम्बीहरुको भागाभाग भएको छ । आगजनी र तोडफोड भईरहँदा प्रहरी मुक दर्शक बनेर उभिएको आरोप ईशाईहरुले लगाएका छन् ।
चर्चहरुमा भएको आक्रमणमा संलग्न एक सय बढीलाई प्रहरीले नियन्त्रणमा लिए पनि उनीहरुमाथि कारबाही चाहीँ गरिएको छैन् । पाकिस्तानमा अल्पसंख्यकहरुमाथि बारम्बार आक्रमण हुने गर्दछ ।
