मकवानपुरबाट नक्कली नोटसहित तीनजना पक्राउ
हेटौंडा । मकवानपुरको हेटौंडाबाट प्रहरीले एक हजार दरका ९५ वटा नक्कली नोटसहित दुईजनालाई पक्राउ गरेको छ।
कटहरिया नगरपालिका — ६ बस्ने १९ बर्षका धर्मेन्द्र महरा र २१ बर्षका दिपेश दासलाई पैदल हिँडिरहेको बेला बिहीबार प्रहरीले पक्राउ गरेको हो।
हेटौंडा उपमहानगरपालिका-१५ चुरियामाई मन्दिर क्षेत्रस्थित सडकबाट उनीहरु दुवैजनालाई प्रहरीले पक्राउ गरेको हो।
दुवैजनालाई ल्याएर सोधपुछ गर्दा नकक्ली नोट मकवानपुरको राक्सिराङ गाउँपालिका-२ बस्ने ४० वर्षीय विजय तामाङबाट ल्याएको बयान दिएका थिए।
त्यसपछि उनलाई पनि इलाका प्रहरी कार्यालय पशुपतिनगरको टोलीले पक्राउ गरेर अन्य दुईजनासहितलाई जिल्ला प्रहरी कार्यालय मकवानपुरमा पठाएको छ।
