बकैयामा मिनिट्रक दुर्घटनामा घाइते सहचालक लामाको मृत्यु
हेटौंडा । मकवानपुरको बकैयामा मिनिट्रक दुर्घटनामा घाइते सहचालक लामाको मृत्यु भएको छ । दुर्घटनामा घाइते भएका सहचालक बकैया गाउँपालिका वडा नम्बर–६ गबरस्थान बस्ने २८ वर्षका दिनेश लामाको गएराती मृत्यु भएको जिल्ला प्रहरी कार्यालय मकवानपुरका प्रहरी नायब उपरिक्षक लक्ष्मी भण्डारीले जानकारी दिनुभयो ।
दुर्घटनामा गम्भीर घाइते भएका उहाँको उपचारको क्रममा गएराराति पुरानो मेडिकल भरतपुरमा ज्यान गएको हो । हेटौंडा बजार तर्फबाट फापरबारी तर्फ जाँदै गरेको बा.प्र.०३–००१क ०७९२ नम्बरको मिनीट्रक आफै अनियन्त्रित भई मंगलबार दिउँसो दुर्घटना भएको थियो । दुर्घटनामा लामा र चालक बकैया गाउँपालिका वडा नं ७ हर्दा बस्ने २६ बर्षीय युबराज सापकोटा घाइते भएका थिए ।
सापकोटाको टाउँकोमा मध्यम र लामा टाउँकोसंगै अनुहारमा गम्भीर चोट लागेको थियो । घाइते सापकोटाको हेटौंडा अस्पतालमा उपचार भइरहेको प्रहरीले जनाएको छ ।
