हेटौंडाका दुइ स्थानमा सवारी दुर्घटना
हेटौंडा । हेटौंडा उपमहानगरपालिका क्षेत्रका दुइ स्थानमा सवारी दुर्घटना हुँदा दुइ जना गम्भिर घाइते भएका छन् । हेटौंडा–५ पुस्पलाल पार्क नजिक भित्री सडकखण्डमा ना ६५ प ८१७० नम्बरको स्कुटर आफै अनियन्त्रित भई पल्टदा चालक सानोपोखरा बस्ने ३२ वर्षिय रोहित बहादुर मराठ्ठी गम्भिर घाईते भई उपचारर्थ चितवनको भरतपुर पठाएको बागमती प्रदेश प्रहरी कार्यालय हेटौंडाले जनाएको छ ।
यसैगरी हेटौंडा–८ कमानेमा भित्री सडक खण्डमा ना ६ त ९८६७ नम्बरको ट्याक्टरले प्र ३–०३–००१ प ६२८० नम्बरको स्कुटरलाई ठक्कर दिंदा स्कुटर चालक हेटौंडाको मनकामना चोक बस्ने ४६ वर्षिय बबि थापा गम्भिर घाईते भई उपचारर्थ नयाँ मेडिकल कलेज भरतपुर पठाईएको प्रहरीले जनाएको छ ।
