सुपर सिक्सको पहिलो खेलमा बंगलादेशसँग खेल्दै नेपाल
काठमाडौं । दक्षिण अफ्रिकामा जारी आइसीसी यू–१९ विश्वकप अन्तर्गत सुपर सिक्सको पहिलो खेलमा नेपाली यू–१९ क्रिकेट टोलीले बंगलादेशसँग प्रतिस्पर्धा गर्दैछ ।
ब्लोमफोन्टेनमा हुने दुई टोलीबीचको खेल नेपाली समयअनुसार दिउँसो १ः४५ मा सुरु हुनेछ ।
सेमिफाइनल पुग्नबाट बञ्चित भएको नेपाली टोली आजको खेलमा जित निकाल्ने योजनामा हुनेछ । यता बंगलादेश भने बंगलादेश आजको खेलमा जित निकाल्दै सेमिफाइनलमा पुग्ने योजनालाई कायम राख्न चाहन्छ ।
सुपर सिक्समा नेपाल रहेको समूहमा भारत र पाक्तिानले ६–६ अंक जोडि सकेका छन् । त्यसले नेपालले बाँकी दुई खेल जित्दा पनि सेमिफाइनलमा भने स्थान बनाउन सक्ने छैन् ।
यता बंगलादेशले भने एक खेलमा जित निकालेर दुई अंक जोडेको छ । बंगलादेशलाई अघिल्लो चरण पुग्न आजको जित महत्वपूर्ण छ ।
नेपाल र बंगलादेश यसअघि विश्वकपमा दुई पटक आमने सामने भएका छन् । जसमा एक खेलमा जित निकालेको छ भने अर्को खेलमा हार ब्यहोर्यको छ ।
