मनहरीमा ट्रकको ठक्करबाट मोटरसाइकल चालकको मृत्यु
हेटौंडा । मकवानपुरमा ट्रकको ठक्करबाट मोटरसाइकल चालकको मृत्यु भएको छ । मकवानपुरको मनहरी गाउँपालिका वडा नम्बर–६ सुनादेवि मन्दिर अगाडी पूर्व पश्चिम सडकखण्डमा ट–कले मोटरसाइकललाई ठक्कर दिदा मोटरसाइकल चालकको ज्यान गएको हो ।
चितवनबाट हेटौँडा तर्फ अउँदै गरेको ना ७ ख १७९६ नंबरको ट्रकले हेटौंडाबाट चितवन तर्फ जाँदै गरेको बागमती प्र ०६ ००१ प ४५३७ नंबरको मोटरसाइकललाई ठक्कर दिई दुर्घटना हुँदा मोटरसाइकल चालक चितवन माडी नगरपालिका वडा नम्बर–१२ वस्ने २० वर्षिय कोरेस चेपाङको मृत्यु भएको हो ।
ट्रकको ठक्करबाट घाईते भई उपचारको लागी पुरानो मेडिकल कलेज भरतपुर चितवन पठाइएकोमा गएराती डाक्टरले मृत घोषणा गरेको जिल्ला प्रहरी कार्यालय मकवानपुरले जनाएको छ ।
