फागुन २२ गतेदेखि नवौँ राष्ट्रिय हेटौँडा भेट्रान्स कप हुने
मकवानपुर । हेटौँडामा नवौँ राष्ट्रिय हेटौँडा भेट्रान्स कप ८–ए साईड रनिङ शिल्ड फुटबल प्रतियोगिता २०८० हुने भएको छ ।
हेटौँडाको हुप्रचौरमा यही फागुन २२ गदेखि २६ गतेसम्म हुने भेट्रान्स कपमा २२ वटा क्लबले सहभागिता जनाउने हेटौँडा भेट्रान्स क्लका संयोजक प्रशा्नत पाख्रिनले बताए । पाख्रिनका अनुसार देशैभरिका ९ जिल्लाका भेट्रान्स क्लबहरुले प्रतिस्पर्धा गर्नेछन् ।
आयोजकका अनुसार प्रतियोगिताको विजेता टिमले १ लाख ११ हजार १ सय ११ रुपैयाँ पुरस्कार प्राप्त गर्नेछ । त्यस्तै उपविजेता हुने टिमले ५५ हजार ५ सय ५५ रुपैयाँ प्राप्त गर्नेछ । साथै खेलमा सर्वश्रेष्ठ हुने कोच, फर्वार्ड, गोल्डकिपर, डिफेन्स र मिड फिल्डरले ५–५ हजार रुपैयाँ पुरस्कार प्राप्त गर्नेछन् ।
खेलको म्यान अफ दि सिरिजलाई १० हजार र म्यान अफ दि म्याचलाई ५ हजार रुपैयाँ पुरस्कार प्रदान गरिने बताइएको छ । खेलको अनुमानित लागत १३ लाख रुपैयाँ रहेको आयोजकले जनाएको छ ।
