मकवानपुरगढीमा टिप्पर दुर्घटना हुदा दुइ जना घाइते
हेटौंडा । मकवानपुर मकवानपुरगढी गाउँपालिका वडा नम्बर–२ शिखरकटेरी स्थित भित्रि सडकखण्डमा टिप्पर दुर्घटना हुँदा दुइ जना घाइते भएका छन् । सुकौराबाट सिवम सिमेन्ट फ्याक्ट्री तर्फ आउदै गरेको ना ५ ख ३००५ नंबरको ढुङ्गा लोड भएको टिप्पर आफै अनियन्त्रित भइ दुर्घटना हुदा दुइ जना घाइते भएका हुन् ।
दुर्घटनामा टिप्पर चालक मकवानपुर मकवानपुरगढि गाउँपालिका वडा नम्बर– ८ बुढिचौर बस्ने ३२ वर्षिय संजय स्याङतान र टिफरमा सवार मकवानपुरगढी–६ डुम्म्रेकुना बस्ने ४३ वर्षिय सुर्य घलान घाईते भएका हुन् । उनीहरुको हेटौंडाको चुरेहिल अस्पतालमा उपचार भइरहेको जिल्ला प्रहरी कार्यालय मकवानपुरका प्रहरी नायब उपरिक्षक लक्ष्मी भण्डारीले जानकारी दिनुभयो ।
