हेटौंडामा फोटोग्राफी तालिम तथा कार्यशाला
हेटौंडा । स्वतन्त्र विद्यार्थी युनियन हेटौंडा क्याम्पसको आयोजनामा फोटोग्राफी तथा कार्यशाला तालिम सुरु भएको छ । सोमबारबाट हेटौंडा क्याम्पसमा फोटोग्राफी तालिम तथा कार्यशाला सुरु भएको हो ।
तालिमको उद्घाटन बागमती प्रदेशकी उद्योग, वाणिज्य, भूमी तथा प्रशासन मन्त्री सुकमाया तामाङले गर्नु भएको थियो । उद्घाटन समारोहलाई सम्बोधन गर्दै मन्त्री तामाङले मन्त्रालयले विद्यार्थीलाई उद्यमसंग जोड्न लक्षित कार्यक्रम ल्याउने प्रतिबद्धता व्यक्त गर्नुभयो ।
सोमबारबाट सुरु भएको उक्त तालिम एक हप्ता सम्म चल्ने र तालिममा विभिन्न स्कूल तथा कलेजका गरी १ सय भन्दा बढी विद्यार्थी सहभागीता रहेको स्ववियु हेटौंडा क्याम्पसका सभापति अभि मैनालीले जानकारी दिनुभयो ।
उद्घाटन कार्यक्रममा नेकपा एमाले मकवानपुरका अध्यक्ष श्रीधर पोखरेल, जिल्ला युवा समिति मकवानपुरका अध्यक्ष शिवहरि दाहाल, स्ववियु मकवानपुर बहुमुखी क्याम्पसका उपाध्यक्ष रोजन घिमिरे लगायतको आतिथ्यता रहेको थियो ।
