हेटौंडामा ट्रकको ठक्करबाट मोटरसाइकल चालकको मृत्यु
हेटौंडा । हेटौंडा–१९ नेवारपानीमा ट्रकको ठक्करबाट मोटरसाइकल चालकको मृत्यु भएको छ । मृत्यु हुनेमा हेटौंडा–९ का २५ वर्षीय अभिषेक सुवेदी रहेका छन् ।
हेटौंडाबाट मनहरीतर्फ जाँदै गरेको बागमती प्रदेश ०२–०२२ प २५०२ नम्बरको मोटरसाइकललाई नवलपरासीबाट झापाको लागि सिमेन्ट लोड लिई जाँदै गरेको बागमती प्रदेश ०३–००१ ख २०८६ नम्बरको ट्रकले ठक्कर दिंदा मोटरसाइकल चालकको मृत्यु भएको हो ।
चालकको उपचारको क्रममा हेटौंडा अस्पतालमा मृत्यु भएको जनाइएको छ । ठक्कर दिने ट्रक र चालकलाई प्रहरीले नियन्त्रणमा लिइसकेको जनाइएको छ ।
