विश्वकप लिग–टुमा आज नेपाल र क्यानडा भिड्दै
काठमाडौं । आइ.सी.सी विश्वकप लिग–टु क्रिकेटअन्तर्गतको खेलमा आज नेपालले क्यानडाको सामना गर्नेछ ।
सन् २०२४ देखि २०२७ सम्म चल्ने विश्वकप लिग टु क्रिकेटको यो २६ औं खेल हो । खेल नेपाली समय अनुसार आज बेलुकी पौने ८ बजे क्यानाडको ओन्टारियो प्रान्तको किङ सिटीमा सुरु हुनेछ ।
लिग– टु अन्तर्गतको यो श्रृंखलामा नेपाल, क्यानाडा र ओमान सहभागी छन् । नेपालले दोस्रो खेल असोज २ गते बुधबार ओमानसँग, तेस्रो खेल असोज ६ गते शनिबार क्यानडासँग र चौथो खेल असोज ८ गते सोमबार ओमानसँग खेल्नेछ ।
एक दिवसीय श्रृंखला सकिएपछि तिनै टोलीबिच त्रिकोणात्मक टि–ट्वेन्टी श्रृंखला हुनेछ । क्यानाडको श्रृंखला सकेपछि नेपाली टोली आईसीसी लिग–टु को अर्को श्रृंखला खेल्न अमेरिका प्रस्थान गर्नेछ ।
आठ टोली सहभागी लिग–टु क्रिकेटमा ८ खेलबाट १२ अंक जोडेको नेदरल्याण्ड्स शीर्ष स्थानमा छ । चार खेलबाट २ अंक मात्रै जोडेको नेपाल भने सातौं स्थानमा रहेको छ ।
