दुईतर्फी नै सञ्चालनमा आयो नारायणगढ–मुग्लिन सडक खण्ड
चितवन – नारायणगढ–मुग्लिन सडक खण्डको नौकिलोमा दुईतर्फी सडक सञ्चालनमा आएको छ ।
गएरातिदेखि इच्छाकामना गाउँपालिका–६ नौकिलोमा सडक चिरा परी छेउमा लगाएको जालीको भाग भासिएपछि सडक अवरुद्ध भएको थियो । सडकको झन्डै पाँच मिटर भाग चिरा परेर एक फिट तल सरेको थियो ।
रातिदेखि एकतर्फी सञ्चालन हुँदै आएकामा मर्मतपछि आज बिहान साढे १० बजेपछि सडक दुईतर्फी सञ्चालनमा आएको जिल्ला प्रहरी कार्यालयका प्रहरी नायब उपरीक्षक भेषराज रिजालले जानकारी दिनुभयो ।
