हेटौंडा कुलेखानी फाखेल सडक अवरुद्ध
हेटौंडा । आज बिहान गएको पहिरोले हेटौंडा कुलेखानी फाखेल हुँदै काठमाडौं जाने सडक अवरुद्ध भएको छ ।
जिल्ला प्रहरी कार्यालय मकवानपुरले दिएको जानकारी अनुसार आज बिहान हेटौंडा कुलेखानी फाखेल हुँदै काठमाडौं जाने सडकखण्डको इन्द्रसरोबर गाउँपालिका– २ सुकौरामा वर्षाका कारण पहिरोले सडक पुरिएकाले यातायात अवरुद्ध भएको हो ।
प्रहरीले सडक डिभिजन र स्थानीय तहसँग समन्वय गरेर पहिरो हटाउन प्रयास गरिरहेको जनाएको छ ।
यसैगरी बिहीबार हेटौँडाबाट काठमाडौं जाने वैकल्पिक सडकअन्तर्गत कान्ति लोकपथको घट्टेपाखामा गएको पहिरो हटाउन निरन्तरको वर्षाले समस्या भएको र वर्षा रोकिएपछि पहिरो हटाउने जनाइएको छ ।
