हेटौंडाबाट लागूऔषध खैरो हेरोईनसहित २ जना पक्राउ
हेटौंडा । मकवानपुर प्रहरीले लागूऔषध खैरो हेरोईनसहित २ जनालाई पक्राउ गरेको छ ।
प्रहरीले हेटौँडा–१५, रातोमाटेबाट खैरो हेरोईनसहित हेटौंडा–१ का २७ वर्षीय सनिप भोम्जन र हेटौँडा–२ का २१ वर्षीय विशाल क्षेत्रीलाई पक्राउ गरेको हो ।
प्रहरीको रातोमाटे चेकपोष्टमा जाँच गर्दा पथलैयाबाट हेटौंडातर्फ आउँदै गरेको ना ३५ प ५८११ नम्बरको मोटरसाईकलमा सबार मोटरसाइकल चालक भोम्जन र पछाडि सवार क्षेत्रीलाई ८.५५ ग्राम लागुऔषध खैरो हेरोईनसहित पक्राउ गरेको जनाएको छ ।
