राक्सिराङले क्रिसमस मनाउन दुई दिन बिदा दियो
हेटौँडा। इसाई धर्मावलम्बीहरूले मनाउने क्रिसमसको उपलक्ष्यमा राक्सिराङ गाउँपालिकाले दुई दिन सार्वजनिक बिदा दिएको छ ।
पश्चिम मकवानपुरमा रहेको गाउँपालिकाले क्रिसमसको अवसरमा मंगलबार (आज) र बुधबार (भोलि) विदा दिएको हो ।
गाउँपालिका क्षेत्रमा इसाई धर्मावलम्बीहरुको उल्लेख्य वासिन्दा भएको भन्दै गाउँपालिकाले दुई दिन बिदा दिएको हो ।
गाउँपालिकाभित्रका सम्पूर्ण सार्वजनिक कार्यालय, सरकारी कार्यालय, शिक्षण संस्थाहरू बन्द रहने अध्यक्ष राजकुमार मल्लले विज्ञप्तिमार्फत जानकारी दिएका छन् । राक्सिराङले यस अघि पनि क्रिसमसमा तीनदिनसम्म बिदा दिने गरेको थियो ।
