मनहरीमा गैडाको आक्रमणबाट एक महिला घाइते
हेटौंडा । बाघको आक्रमणबाट एकजना वृद्धको मृत्यु भएको चार दिन नबित्दै मनहरीमा जंगली गैडाको आक्रमणमा परि एकजना महिला घाइते भएकी छिन् ।
बुधबार बिहान मनहरी गाउँपालिका-६ लोथर खोला नजिक रहेको लामेदमार मध्यवर्ती सामुदायिक वनमा घाँस काट्न तथा गोबर टिप्न गएकी महिलालाई गैंडाले आक्रमण गरेको हो ।
चितवन राप्ती नगरपालिका १ दुबिचौर घर भएकी अन्दाजी वर्ष ७० की दिलमायाँ स्याङतानलाई गैडाले आक्रमण गरेको र स्थातीयहरुले हो-हल्ला गरेपछि गैंडा जंगलतर्फ भागेको प्रहरीले जनाएको छ ।
घाइते महिलाको हात, शरीर र निधारमा चोट लागेको र उनलाई उपचारको लागि चितवन पठाइएको प्रहरीले जनाएको छ ।
मनहरीमा गत पुस १४ गते बाघको आक्रमणमा परि एकजना महिलाको ज्यान गएको थियो ।
