हेटौंडाबाट लागुपदार्थ सेवन गरि सुमो चलाउने चालक पक्राउ
हेटौंडा । मकवानपुर प्रहरीले लागू पदार्थ सेवन गरि टाटासुमो चलाउने एक सहित मादक पदार्थ सेवन गरि चुमो चलाउने चालकलाई पक्राउ गरेको छ ।
जिल्ला प्रहरी कार्यालय, जिल्ला ट्राफिक प्रहरी कार्यालय र जिल्ला जनस्वास्थ्य कार्यालय मकवानपुरको संयुक्त टोलिले भीमफेदी–१ बागझोरामा गरेको विशेष चेकिङ्गमा प्रहरीले दुईजना चालक नियन्त्रणमा लिएको हो ।
बाघझोरा स्थित हेटौंडा भैसे सडक-खण्डमा चल्ने सवारी साधनका ५२ जना चालकहरुलाई लापसे तथा मापसे चेकजाँच गर्ने क्रममा सर्लाहीबाट काठमाण्डौ जादै गरेको ना १ ज ४६१९ नं. को सुमो चालक सर्लाही बरथवा न.पा.वडा नं. ८ बस्ने बर्ष ३२ को फेमस खड्कामा लागुपदार्थ पोजेटिभ पाईएको र काठमाण्डौबाट हेटौडातर्फ आउँदै गरेको ना १ ज ७०२८ नं. को सुमो चालक मकवानपुर हेटौडा वडा नं. ८ बस्ने बर्ष ३६ को सुजन गुरुङले मापसे गरेको फेला परेपछि उनिहरुलाई नियन्त्रणमा लिइएको प्रहरीको भनाई छ ।
