लगातार दोस्रो दिन पनि सिमरामा उडान हुन सकेन
काठमाडौं । सिमरा विमानस्थलमा लगातार दोस्रो दिन सबै उडान रद्द भएका छन् ।
त्रिभुवन विमानस्थल कार्यालयका अनुसार मंगलबार र बुधबार सिमरा विमानस्थलमा राखिएका सबै उडान रद्द भएका हुन् । बाक्लो हुस्सुका कारण तराई भेगमा भिजिबिलिटी कम हुने गर्छ ।
सोहीकारण बुधबार सिमरा र भरतपुरमा निर्धारित सबै उडान रद्द भएका हुन् । कार्यालयका अनुसार मंगलबार सिमरा, जनकपुर र भैरहवाका समेत अधिकांश उडान रद्द भएका थिए ।
