मउवा संघको निर्वाचनमा १ हजार ८ सय १६ जनाले मतदान गरे
हेटौंडा । मकवानपुर उद्योग वाणिज्य संघको नयाँ नेतृत्वका लागि आज भएको निर्वाचनमा १ हजार ८ सय १६ जनाले मतदान गरेका छ्न ।
विहान ९ बजेबाट सुरु भएको मतदानमा कुल २ हजार ४५ मतदाता मध्ये १ हजार ८ सय १६ जनाले मतदान प्रक्रिया सहभागिता जनाएको निर्वाचन अधिकृत ईश्वरराज ढकालले जानकारी दिए ।
निर्वाचनमा वाणिज्य तर्फ १ हजार १ सय ५४ जना, उद्योग तर्फ ५ सय ५५, एसोसिएट तर्फ ८१ र बस्तुगत तर्फ २६ जनाले मतदान गरेका छन् । मतगणना आज राती ८ बजे बाट सुरु हुने जनाइएको छ ।
कुल २८ पदमध्ये २१ पदमा ४२ जना उम्मेदवार चुनावी प्रतिस्पर्धामा छन् । दुई सचिवसहित ७ जना यसअघि नै निर्विरोध निर्वाचित भएका थिए ।
