बालजागृति स्कूलमा सांस्कृतिक तथा शैक्षिक प्रदर्शनी
मकवानपुर । हेटौंडा उपमहानगरपालिका वडा नम्बर २ स्थित बालजागृति इङ्गलिस सेकेन्डरी स्कूलले आइतबार सांस्कृतिक शैक्षिक प्रदर्शनी तथा पुरस्कार वितरण कार्यक्रम गरेको छ।
विद्यालय सञ्चालक समितिका अध्यक्ष दिनेश प्रसाद भण्डारीको सभाअध्यक्षता तथा हेटौँडा उपमहानगरपालिका २ नम्बर वडा कार्यालयका वडाअध्यक्ष विष्णु गोपाल महर्जनको प्रमुख आतिथ्यतामा कार्यक्रम भएको हो ।
कार्यक्रममा बालबालिकाहरूले विभिन्न सांस्कृतिक तथा शैक्षिक प्रस्तुति प्रस्तुत गरेका थिए । कार्यक्रममा उत्कृष्ट विद्यार्थीहरूलाई सम्मानसहित पुरस्कार प्रदान गरिएको थियो ।
विद्यालय व्यवस्थापन समितिका अध्यक्ष भण्डारीले विद्यालयलाई नमुना विद्यालयको रूपमा देशभर चिनाउने प्रतिबद्धता व्यक्त गरेका थिए । कार्यक्रमले विद्यार्थीहरूको प्रतिभा प्रोत्साहन गर्दै शैक्षिक र सांस्कृतिक गतिविधिमा स्कुललाई अग्रणी बनाउने उद्देश्य हासिल गरेको व्यवस्थापन समिति अध्यक्ष भन्डारीले बताए ।
कार्यक्रममा प्रमुख अतिथि महर्जन, विद्यालय व्यवस्थापन समितिका अध्यक्ष रामकृष्ण तिमिल्सिना, प्रबन्ध निर्देशक मोहन प्रसाद शर्मा, वडा सदस्य सुजन बर्तौला, इन्द्र प्रसाद रिजाल, माया परियार, प्रधानाध्यापक विनोद सुवेदी र सहायक प्रधानाध्यापक अमूल श्रेष्ठको आतिथ्यता रहेको थियो।
